Zəngəzur 2023

Müasir geosiyasi şəraitdə beynəlxalq münasibətlərin humanitar aspektləri

Azərbaycan Universiteti Siyasi elmlər kafedrası və Beynəlxalq Münasibətlər və Diplomatik Araşdırmalar Mərkəzinin təşəbbüsü, Azərbaycan Milli Elmlər Akademiyası, Azərbaycan Respublikası Prezidenti yanında Dövlət İdarəçilik Akademiyası, Bakı Avrasiya Universiteti, Quald-i-Azam Universiteti, Bitlis Eren Universiteti, Burdur Mehmet Akif Ersoy Universiteti, Bilecik Şeyh Edebali Universiteti, Kütahya Dumlupınar Universiteti, və Türk Dünyası Araşdırmaları Vəqfinin birgə təşkilatçılığı ilə “ZƏNGƏZUR-2023” Müasir geosiyasi şəraitdə beynəlxalq münasibətlərin humanitar aspektləri mövzusunda Beynəlxalq Elmi Konfrans keçiriləcəkdir.

Konfransda iştirak etmək üçün yerli və əcnəbi alimlər, elmi-tədqiqat müəssisələrinin əməkdaşları və universitet müəllimləri, doktorantlar və magistrlar dəvət olunurlar.

Konfranslar

Konfrans proqramı çərçivəsində plenar iclasın keçirilməsi və bölmələr üzrə mövzu ətrafında müzakirələrin aparılması nəzərdə tutulur. Konfransın nəticələrindən ibarət konfrans materialları toplusu nəşr olunacaqdır.
Konfransın keçiriləcəyi məkan və vaxtı:
Beynəlxalq elmi konfrans 26 sentyabr 2023-cü il tarixində saat 10:00-da (Bakı vaxtı ilə) ZOOM platforması vasitəsilə onlayn keçiriləcəkdir. Hər bir konfrans iştirakçısına konfransa qoşulmaq üçün link göndəriləcəkdir.
Konfransın aşağıdakı istiqamətlər üzrə təşkil edilməsi planlaşdırılır:
1. Siyasət
2. Tarix
3. İqtisadiyyat
4. Sosiologiya

Bölmələrin sayı və adı Təşkilat Komitəsi tərəfindən daxil olan məruzələrin mövzuları öyrənildikdən sonra tənzimlənə bilər.
Konfransda iştirakın forma və şərtləri

Konfransda iştirak etmək üçün tezislərin göndərilməsi və iştirakçıların qeydiyyatı qaydası:
Konfransda iştirak etmək üçün məqalələr 15 sentyabr 2023-cü il saat 23:59-dan gec olmayaraq elektron qaydada Təşkilat Komitəsinin aşağıdakı poçt ünvanına təqdim etmək lazımdır:
Konfransda iştirak etmək istəyən şəxslər müəyyən edilmiş istiqamətlər üzrə məqalələrini qeyd edilən elektron ünvana göndəriləcək. Göndərilən məqalələr təşkilat komitəsi tərəfindən dəyərləndirildikdən sonra iştirakçının elektron ünvanına məqaləsinin qəbul edilib yaxud edilmədiyi haqda məlumat göndəriləcək. İştirak etmək istəyən şəxs tərəfindən müvafiq ödəniş edildikdən sonra, ona konfransda iştirakı haqda dəvət məktubu göndəriləcək. Konfransın proqramı barədə məlumat bir gün öncədən iştirakçıların elektron ünvanına göndəriləcək.
Məqalənin tərtibi və strukturu qaydaları:
1. Tədqiqatın adı
2. Müəllifin soyadı, adı
3. Təmsil etdiyi müəssisənin adı, vəzifəsi, elmi dərəcəsi
4. Elektron poçt ünvanı və əlaqə nömrəsi(whatsapp).
5. ORCİD kod,
6. Mətn
 Xülasə: 200-300 söz
 Həcm: 3000-3500 söz
 İstinadlar APA style ilə verilməlidir.
7. Açar sözlər
8. Ədəbiyyat siyahısı
Konfransın işçi dilləri: azərbaycan, türk, rus, ingilis.
Konfrans ödənişlidir. Hər bir iştirakçıya təqdim etdiyi bir məqaləyə görə 10 dəqiqə çıxış imkanı veriəcək. Konfransdan sonra toplanmış məqalələr beynəlxalq indeksli kitab halında çap olunacaq və iştirakçılara sertifikatlar təqdim ediləcək.
Konfransda iştirak etmək üçün ödəniləcək məbləğ:
 Azərbaycandan – 30 Azn
 Türkiyədən- 600 TL
 Digər ölkələrdən- 50 Dollar.